VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Líf og fjör á aðventuhátíð fjölskyldunnar

Það var sannarlega mikið um dýrðir á aðventuhátíð fjölskyldunnar síðasta sunnudag í Hjallakirkju. Fjölmargir lögðu leið sína í kirkjuna og tóku þátt í skemmtilegri dagskrá. Þegar fyrsta aðventukertið hafði verið tendrað og jólasöngvar sungnir horfðu börnin á jólaþætti með Hafdísi og Klemma. Síðan voru föndruð jólakort í safnaðarsalnum og jólamyndir litaðar. Með föndrinu gæddu viðstaddir sér á piparkökum og kakó. Hátíðin tókst stórvel og var ekki annað að sjá en að gleði og hamingja hafi skinið úr hverju andliti. Þetta var sannarlega gott upphaf á aðventunni.

By | 2016-11-26T15:48:44+00:00 29. nóvember 2011 | 15:39|