VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Messur 3. og 10. júní

Í Hjallakirkju verða messur 3. og 10. júní. Sr. Íris Kristjánsdóttir þjónar og Jón Ólafur, organisti, leiðir safnaðarsönginn.

Sunnudaginn 10. júní er 1. sunnudagur eftir Þrenningarhátíð í kirkjunni. Þá munu krakkar úr æskulýðsstarfinu taka þátt í guðsþjónustunni, m.a. með því að lesa ritningarlestra og syngja æskulýðssöngva.

Hægt er að sjá ritningartextana hér. Í pistli dagsins úr 4. kafla fyrsta Jóhannesarbréfs segir m.a.: „Því að sá sem elskar ekki bróður sinn eða systur, sem hann hefur séð, getur ekki elskað Guð sem hann hefur ekki séð. Og þetta boðorð höfum við frá honum, að sá sem elskar Guð á einnig að elska bróður sinn og systur.“

By | 2016-11-26T15:48:40+00:00 29. maí 2012 | 14:25|