VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Tónlistar- og minningarstund sunnudaginn 3. nóvember kl. 11

Eins og undanfarin ár munum við í Hjallakirkju minnast ástvina okkar og vina sem horfið hafa frá okkur.  það er alltaf thumbs_baenastjakigott að minnast þeirra sem eru  eða hafa verið okkur kærir. Stundin byggist upp á lestri og tónlist.

Öllum gefst tækifæri að kveikja á kertum og eiga hljóða stund með sjálfum sér á meðan flutt er ljúf tónlist.

Séra Halldór Reynisson þjónar. Félagar úr Kór Hjallakirkju syngja undir stjórn Jóns Ólafs Sigurðssonar organista. Af tónlistarflutningi má nefna: Intermezzo eftir Mascagni, Ave Maria eftir Kaldalóns í kórútsetningu Jóns Ólafs, Heyr Himna smiður eftir Þorkel Sigurbjörnsson, Kveðju eftir Bubba Morthens, Liljuna, Faðir vor eftir Malotte og Dagur er nærri eftir Händel. EInnig almennur sálmasöngur.

 

Sunnudagaskólinn er svo á sínum stað kl. 13.

By | 2016-11-26T15:48:30+00:00 30. október 2013 | 13:57|