VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Tónleikar kórsins sunnudaginn 17. nóvember

Kór Hjallakirkju heldur tónleika sunnudaginn 17. nóvember kl. 17. Aðal verkefni tónleikanna verður Sálumessa (Requiem) opus 48 eftir Gabriel Fauré. Einnig verður flutt „Eitt er orð Guðs“ (Cantique de Jean Racine), Panis angelicus eftir César Franck og O for the wings of a dowe eftir Felix Mendelssohn.

Flytjendur eru Kór Hjallakirkju, einsöngvararnir Laufey Helga Geirsdóttir sópran og Eiríkur Hreinn Helgason bariton, Elísabet Waage hörpuleikari og Örn Magnússon orgelleikari. Stjórnandi er Jón Ólafur Sigurðsson.

Kórinn vill nota þetta tækifæri til að minnast Önnu Margrétar Pétursdóttur, gjaldkera kórsins sem lést úr krabbameini í haust.

Af hverjum seldum miða ganga 500 krónur í söfnun þjóðkirkjunnar fyrir línuhraðli á Landspítalann og ef ágóði verður af tónleikunum rennur hann óskiptur í söfnunina.

Miðaverð er kr. 2.500.

By | 2013-11-15T02:05:44+00:00 13. nóvember 2013 | 14:42|