VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Látinna minnst á Allra heilagra messu

warming_soul_candlesTónlistarguðsþjónusta verður sunnudaginn 2. nóvember kl. 11. Þetta er allra heilagra messa og þar verður látinna minnst sérstaklega. Kór Hjallakirkju syngur lög eftir Bubba Mortens, Chopin, Jón Ólaf Sigurðsson, Ísólf Pálsson, John Rutter og Sigfús Einarsson. Kirkjugestum gefst kostur á að eiga hljóða stund undir ljúfri tónlist og kveikja á kerti í minningu ástvina. Prestur Sr. Steinunn A. Björnsdóttir, organisti Jón Ólafur Sigurðsson. Kaffi eftir guðsþjónustu.

Sunnudagaskóli verður kl. 13. Umsjón Kristín og Ólafur Jón. Létt hressing á eftir.

By | 2016-11-26T15:48:21+00:00 29. október 2014 | 18:23|