VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Njótum vorsins – vorverkin og náttúran

spring-flowersVorverkin í garðinum og í sveitinni eru meðal þess sem verður rætt á gæðamorgnum í Hjallakirkju í apríl. Gæðamorgnar eru á miðvikudögum frá kl. 10 – 12. Kl. 11 er stutt innlegg um eitthvert atriði og þema mánaðarins er vorið og náttúran. Þann 15. apríl kemur garðyrkjufræðingur og ræðir um vorverkin í garðinum. Þetta er gott tækifæri til að spyrja um runnaklippingar og hreinsun beða og fleira. Viku síðar, 22. apríl verður sagt frá dúntekju í sveitum, nokkuð sem víða tilheyrir ennþá vorverkunum. Þann 29. apríl vonumst við til að geta iðkað slökunaræfingar í guðs grænni náttúrunni.

Það eru allir velkomnir á gæðastundirnar. Boðið er upp á kaffi og létta hressingu. Maður er manns gaman og þarna er líka hægt að kíkja í blöðin og spjalla.

By | 2016-11-26T15:48:16+00:00 13. apríl 2015 | 21:25|