VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Kærleiksmessa kl. 11

Við í Hjallakirkju ætlum að ljúka menningardögunum okkar með kærleiksmessu kl. 11 á sunnudaginn. Það verður eitthvað fyrir alla fjölskylduna. Söngur og sögur, hugleiðing um kærleikan, brúðuleikhús og leikur.  Heyrst hefur að Sr. Sigfús muni ræða um myndina Tröll (Trolls) í hugleiðingunni. Guðný Einarsdóttir organisti og kór kirkjunnar munu leiða tónlistina og jafnvel syngja lag sem ekki hefur heyrst í kirkjunni áður, þó það sé flestum kunnugt. Markús og Heiðbjört munu bregða á leik, nýju límmiðarnir sem margir hafa beðið eftgir eru komnir í hús og ekki má gleyma brúðum sem boðaða hafa komu sína.  Eftir messu verða léttar veitingar í safnaðarsal, komið hefur fram sú hugmynd að í ljósi kærleiksandans sem mun svífa yfir vötnum þá verði boðið upp á Hjónabandssælu og kærleiksbangsa. Allir velkomnir.

By | 2017-02-08T10:42:20+00:00 8. febrúar 2017 | 10:42|