Loading...
Æskulýðsstarf 2016-11-26T15:48:02+00:00

Sunnudagaskóli

Sunnudaga kl. 11

Sunnudagaskólinn eða barnaguðsþjónustur eru í Hjallakirkju hvern sunnudag kl. 11.  Þar eru sagðar skemmtilegar og myndrænar sögur úr Biblíunni, söngvar sungnir og farið í leiki.

Í lokin er hressing fyrir unga og aldna.

Umsjón með sunnudagaskólanum 2015 – 2016 hafa Kristín Rut Ragnarsdóttir, Hilmar Einarsson, Markús Bjarnason og Heiðbjört Arndís Höskuldsdóttir.

Kirkjuprakkarar

6-9 ára fimmtudaga kl. 15:30-16:30

Starf fyrir 6-9 ára börn fer fram undir heitinu Kirkjuprakkarar. Þeir hittast í Hjallakirkju á fimmtudögum frá kl. 15:30 – 16:30.  Þar fræðast krakkarnir um líf og starf Jesú en samhliða því ætlum við að halda bingó, hafa kraftaverkadag, baka RISA piparkökukukarl ásamt ýmsum öðrum uppátækjum.

Umsjón með starfinu í vetur hafa Sólveig Ragna Jónsdóttir, sem hefur langa reynslu af æskulýðsstarfi og stundar MA nám í sálfræði, og Signý Ósk Sigurjónsdóttir, kennari.

TTT – 10-12 ára starf

Fimmtudaga kl. 17:00-18:00

Spennandi kirkjustarf fyrir 10-12 ára börn. Starfið fer fram á fimmtudögum frá kl. 17:00 – 18:00 í Hjallakirkju. Í þessum hópi ætlum við að brasa ýmislegt saman,s.s að halda bingó, hæfileikakeppni, jól í skókassa, baka RISA piparkökukarl o.fl o.fl. Magnað fjör og mikið sprell.

Umsjón með starfinu hafa Sólveig Ragna Jónsdóttir, sem hefur langa reynslu af æskulýðsstarfi og stundar MA nám í sálfræði, og Signý Ósk Sigurjónsdóttir, kennari.

Æskulýðsfélag fyrir 8. bekk

Fimmtudaga kl. 20:00 – 21:30

Æskuýðsstarfið í Hjallakrikju er metnaðarfullt og skemmtilegt starf. Á fundum förum við í ýmis konar leiki og leikjaafbögur. Við spilum gömul spil og ný, keppum og vinnum saman. Við tölum og syngjum en lærum einnig að meta þögnina, kynnumst bæninni og hlustum saman á hugleiðingar. Við fáum einnig fá leynigesti, fara í heimsóknir, ferðalög og gera ýmislegt sem bæði verður skemmtilegt og krefjandi. Æskulýðsfélagið er eitthvað sem allir unglingar ættu kíkja á!

Jónína Sif og Sólveig Ragna hafa umsjón með starfinu. Fundir eru á Fimmtudögum kl. 20-21:30 í Hjallakirkju. Æskulýðsfélagið er á Facebook þar sem finna má nánari fundadagskrá.