Helgihald

Messur/guðsþjónustur

Guðsþjónustur/messur eru hvern sunnudag í Hjallakirkju kl. 11. Sá háttur hefur verið á undanfarin ár að bjóða upp á mikla fjölbreytni í helgihaldi. Mismunur guðsþjónustanna felst aðallega í tónlistarflutningi, eins og sjá má t.d. í tónlistarmessum/guðsþjónustum. Þá er sérstök áhersla lögð á tónlistarflutning, kór kirkjunnar flytur t.a.m. stærri verk. Í fjölskyldu- og lofgjörðarguðsþjónustum er mikil fjölbreytni í tónlist, þá taka m.a. barnakórar þátt í guðsþjónustunni, einsöngvarar eða hljóðfæraleikarar. Í vetur mun Þorvaldur Halldórsson mæta í lofgjörðarguðsþjónustur og leika af sinni alkunnu snilld. Í almennum guðsþjónustum og messum (með altarisgöngu) notumst við hins vegar við hefðbundna sálma og tónlistarflutning. Eins og sjá má á ofansögðu ætti allt sóknarfólk að geta fundið eitthvað við sitt hæfi og kynnst því hvernig við fáum lofað Guð á marga vegu.

Bæna- og kyrrðarstundir:

Bæna- og kyrrðarstundir eru í kirkjunni hvern þriðjudag kl. 18. Verið hjartanlega velkomin.