VAKTSÍMI

Prestar Kópavogs hafa tekið upp samstarf um vaktsíma utan venjulegs skrifstofutíma. Vaktsíminn er símanúmer sem hægt er að hringja í vegna aðkallandi málefna sem ekki þola bið fram að viðtalstíma prestanna.
Vaktsíminn er 843 0444

Loading...
Kór 2016-11-26T15:48:02+00:00

Kór Hjallakirkju var stofnaður 1987. Aðalhlutverk kórsins sem skipaður er um 30 félögum, er að annast söng við helgiathafnir í Hjallakirkju.

Kórnum skipt í tvo messukóra sem skiptast á að mæta í guðsþjónustur og helgihald og syngur hver kórfélagi að öllu jöfnu við eina guðsþjónustu í mánuði. Auk þess mætir allur kórinn tvo til þrjá sunnudaga á vetri. Einnig mæta flestir kórfélagar í nokkrar stórhátíðarguðsþjónustur á ári.

Fastur liður í starfi kórsins eru Aðventutónleikar sem eru fastir 2. sunnudag í aðventu ár hvert. Þar hefur kórinn frumflutt marga nýja texta og útsetningar og fengið til liðs við sig úrvalslið einsöngvara og hljóðfæraleikara.

Kórinn heldur vortónleika flest vor en þó er það ekki föst regla. Á seinni árum hefur efnisskrá þeirra alfarið verið veraldleg.

Kórinn æfir á þriðjudagskvöldum kl. 20 frá 1. september og fram í maí. Æfingabúðir eru einn langur laugardagur í Hjallakirkju að hausti og ein helgi á Laugarvatni að vori.

Kórinn hefur farið í fjórar söngferðir til útlanda. Vorið 1999 til Svíþjóðar og Danmerkur, vorið 2002 til Þýskalands, til Noregs í maí 2005, til Lundar og Malmö í Svíþjóð 2012 og til Englands 2015. Auk þessa hefur kórinn farið í nokkrar söngferðir innanlands.

Kórfélagar flytja yfirleitt kórverk eftir prédikun í messum og einnig undir altarisgöngu. Við þessi tækifæri flytur kórinn ýmist fallegar sálmaútsetningar og/eða ýmsar mótettur tilheyrandi þema dagsins og tilefninu.

Kórinn er nánast fullskipaður eins og er en áhugasamir geta haft samband við Guðnýju organista til að kanna málið í GSM 698-9307 eða með tölvupósti á gudny@hjallakirkja.is.

Söngstjóri er Guðný Einarsdóttir, orgnaisti Hjallakirkju.

Helstu verkefni 2016-2017

Tónlistarmessur
6. nóvember og 18. desember.

Árlegir Aðventutónleikar
4. desember kl. 20. Þar mun kórinn syngja fallega jólatónlist ásamt Brassbandi Reykjavíkur.

Á vorönn er stefnt á ferð til Austfjarða í maí.

Verkefni fyrri starfsára

Stjórn kórsins

  • Kristín Halla Hannesdóttir, formaður
  • Fjóla Grímsdóttir, ritari
  • Katrín Brynjarsdóttir, gjaldkeri
  • Sigurður Björnsson, meðstjórnandi
  • Margrét Jóhannsdóttir, meðstjórnandi

Geisladiskur