HJALLAKIRKJA

 

Kór Hjallakirkju var stofnaður 1987. Aðalhlutverk kórsins sem skipaður er 35 félögum, er að annast söng við helgiathafnir í Hjallakirkju, sem skiptist niður á milli kórfélaga. Kórinn heldur auk þess tvenna til þrenna tónleika á ári í kirkjunni. Kórinn hefur farið í þrjár söngferðir til útlanda. Vorið 1999 til Svíþjóðar og Danmerkur, vorið 2002 til Þýskalands og til Noregs í maí 2005. Auk þessa hefur kórinn farið í nokkrar söngferðir innanlands.

Verkefni starfsársins 2009-2010 verða að venju fjölbreytt. Kórinn í heild eða messuhóparnir flytja yfirlett kórverk eftir prédikun í messum og stundum einnig undir altarisgöngu. Við þessi tækifæri flytur kórinn ýmist fallegar sálmaútsetningar og ýmsar mótettur tilheyrandi þema dagsins og tilefninu. Helstu verkefnin í vetur eru úrdráttur úr óratoríunni Messías eftir Händel ar sem allur 1. hlutinn verður fluttur ásamt völdum atriðum úr 2. og 2. þætti. Þessi flutningur er fyrirhugaður 15. nóvember kl. 20. Sunnudaginn 6. desember kl. 20 eru árlegir Aðventusöngvar kórsins og sunnudaginn 20. desember verða síðan árlegir Jólasöngvar kl. 11.
Vortónleikar eru síðan fyrirhugaðir um miðjan maí 2010.

 

Allar raddir eru fullskipaðar eins og er.

 

Kórinn æfir einu sinni í viku á þriðjudagskvöldum milli kl. 20 og 22 frá mánaðarmótum ágúst - september og út maí ár hvert.

 

Mætingar við messur og guðsþjónustur eru skemalagðar og kórnum skipt í messukóra.

 

Æfingabúðir eru einn langur laugardagur í Hjallakirkju að hausti og tveir á vorönninni 2010.

 

Allar nánari upplýsingar má fá hjá söngstjóra í GSM 899 - 8965 eða með tölvupósti (jonol(hjá)ismennt.is).

 

Stjórn kórsins skipa: Emma Eyþórsdóttir, formaður, Fjóla Grímsdóttir, ritari, Anna M. Pétursdóttir, gjaldkeri, Katrín V. Karlsdóttir og Sólveig Stefánsson varastjórnendur.

 

Söngstjóri kórsins frá 1. sept. 1998 er Jón Ólafur Sigurðsson.

 

 

 

 

 

 

 

Helstu verkefnin veturinn 2008 - 2009 voru Requiem eftir Gabriel Fauré sem flutt var í október. Frumflutningur á köflum úr Sæluboðunum í tónsetningu eftir Hauk Ágústsson í nóvember. Aðventutónleikar og Jólasöngvar í desember. Frumflutningur á 10 nýjum Passíusálmalögum eftir Jón Ásgeirsson í Hallgrímskirkju á föstudaginn langa og þátttaka í Kórastefnu á Mývatni 5. - 7. júní 2009 þar sem kórinn söng sjálfstæða efnisskrá 4. júní í Skjólbrekku og 5. júní í Dimmuborgum, auk þess að taka þátt söng blönduu kóranna á As-dúr messu eftir Schubert.

 

Auk þessa flutti kórinn eða hópar úr kórnum ýmis smæri verk við guðsþjónustur og messur í Hjallakikju. Á hvítasunnudag 2009 fluttu félagar úr kórnum þætti úr stuttri messu (Missa brevis) eftir Hildigunni Rúnarsdóttur.

 

 

Mynd af kórnum á aðventutónleikum í desember 2007

 

Meðal verka sem kórinn hefur flutt á sjálfstæðum tónleikum og í helgiathöfnum er Þýsk messa (Deutsche Messe) og Messa í G dúr eftir Franz Schubert. Messa kv. 259 og valdir kaflar úr Reqiem eftir Mozart. Requiem (Sálumessa) eftir G. Fauré. Te Deum laudamus eftir Jón Þórarinsson (frumflutningur á endanlegri útgáfu verksins og flutt nokkrum sinnum síðan). Missa brevis st. Johanni de Deo og Messa í B-dúr "Therezienmesse" eftir Joseph Haydn.

 

Auk þessa má nefna Messu í D-dúr Op. 86 eftir Dorák sem kórinn flutti í samstarfi við Kór Vídalínskirkju (kórstjóri: Jóhann Baldvinsson) og Kór Fella- og Hólakirkju (söngstjóri: Lenka Matéová).  og Messu i As-dúr eftir Franz Schubert D-678 sem flutt var á Kórastefnu við Mývatn í 7. júní 2009.

Mynd af kórnum í Dimmuborgum 2009

 

Einnig má nefna fjölda smærri mótetta og kórverka eftir ýmsa höfunda, nýja sem gamla, kirkjuleg verk sem veraldleg og nokkur þeirra í frumflutningi.

 

Haustið 2006 gaf kórinn út geisladiskinn "Í Guðs hús okkur Kristur kallar" en þar er að finna íslenskar kirkjutónperlur eftir ýmsa höfunda.

 

 

 

 

Kórinn hefur tekið þátt í samstarfi kirkjukóra Reykjavíkurprófastsdæmis-eystra þar sem meðal annars hafa verið frumflutt tónverk sem kórarnir hafa pantað hjá viðkomandi tónskáldum.