Eins og sjá má í meðfylgjandi myndbandi þá bráðvantar fleiri tenóra í Kór Hjallakirkju: Kórinn æfir á þriðjudögum kl. 20-22 undir stjórn Láru Bryndísar, organista Hjallakirkju. Áhugasamir geta haft samband við Láru með tölvupósti á lara@hjallakirkja.is eða í síma 698 2595. Hægt er að lesa meira um kórastarfið hér á heimasíðunni.

Nú er sunnudagaskólinn byrjaður í Hjallakirkju og var fyrsta samveran á sunnudaginn var. Sunnudagaskólinn er alla sunnudaga kl. 11.00 i safnaðarheimili kirkjunnar og það eru þau Markús og Heiðbjört sem halda utan um hann í vetur. Börnin fá sunnudagaskólaefni, fræðast um biblíusögurnar og syngja sunnudagaskólalögin. Góðar og skemmtilegar samverur fyrir fjölskyldur á sunnudagsmorgnum í vetur.

Ýmsar breytingar hafa átt sér stað í Hjallakirkju í sumar og því er viðeigandi að upplýsa Hjallasöfnuð hér um helstu breytingar sem hafa orðið. Organisti Guðný Einarsdóttir organisti lét af störfum nú í ágúst og hóf störf við Háteigskirkju í Reykjavík. Í hennar stað var ráðin Lára Bryndís Eggertsdóttir, sem er nýflutt heim frá Danmörku