Hátíðarguðsþjónusta verður kl. 11 á Hvítasunnudag í Digraneskirkju á vegum Hjalla- og Digranessafnaða. Löng hefð er fyrir því að söfnuðirnir heimsæki hver annan á þessum stofndegi kristinnar kirkju og nú þiggjum við boð Digranessafnaðar. Að messunni þjóna sr. Gunnar Sigurjónsson og sr. Íris Kristjánsdóttir, Kór Digraneskirkju syngur og organisti er Zbigniew Zuchowicz. Að guðsþjónustu lokinni er boðið upp á veitingar í safnaðarsal kirkjunnar. Verið hjartanlega velkomin til hátíðarguðsþjónustu á Hvítasunnudag.