Almar Ómarsson var snöggur að fylla baukinn. Hann kom með baukinn aftur og afhenti presti, klukkustund eftir að hann fékk hann.
Jólasöfnun Hjálparstarfs kirkjunnar hófst í dag. Hún var kynnt í messu og söfnunarbaukar lágu frammi. Þessi áhugasami piltur, Almar Ómarsson, 8 ára, vildi ekki láta sitt eftir liggja. Hann tók baukinn heim og fyllti hann á klukkustund. Hann birtist svo í sunnudagaskólanum með baukinn og afhenti presti.
Það er auðvelt að leggja sitt af mörkum ef áhugi er fyrir hendi eins og Almar sýndi í dag. Hægt er að nálgast bauka í kirkjunni og þeim má skila þangað eða til Hjálparstarfsins. Einnig er hægt að greiða valgreiðslu í heimabankanum. Hafi fólk ekki heimabanka er hægt að hringja í söfnunarsíma 907 2003 (2.500 kr), gefa framlag á vefnum framlag.is eða leggja inn á söfnunarreikning: 0334-26-50886 kt. 450670-0499.